ويـن أنـت ..؟

يكبـر قســى جـرح السنيــن ويعنـّـي
رجل الحزين اللي على حدّ الإدراك


هــذا أنا يــوم أخلف الـوقـت ظنّــــي
الحــزن حـزنـي والسـوآيا ســوآياك


بكيـت وأبـكيت العيـــــون وبـكنّـــي
تعــال شفنــي كل ما حان ذكــــراك


كــم واحـدٍ جــاني بعـدكـ وســألنـي
شخبــار من حبيت وأقفـــى وخلاك


وأصــدّ والحــزن الخفـي ممتحنّــي
وأن قلت منهــو قيل ماهوب يخفاك


قيل العوض قلت العوض ما شحنّي
والله لاهــذا ،، ولاذا ،، ولا ،، ذاكـ


يـا مـا بعضهـــم مــرنّــي ما فتنـّي
ياجعـل ماهـم بـ العوض في محياك


الله لا يجبـــر عــزا من عـذلنـّـي
ماجــاه ماجــاني ولاجــاه ماجــاك


واللي عـذل ويقول(لو و لو أني)
جعــل يعشـــق له واحــدٍ كنّـه إياك


مافيـــه شــيٍ فـي حيـــاتي غبنّــي
إلانهــار أقفيت وأنا أسمــع إبكــاك


الله من جــــرحٍ قــديــمٍ مكنّــــي
أمداك نزفه لكن أدواه مـا أمــــداك


عليّ كـم جــار الـزمــان وطعنّــي
أسمع صدى صوت المعاليق تنخاك


وين أنت ياللـي كل ما غبت كنّــــي
وآقف على بــاب الأمــل وأتحــراك


ليتك تعرف تخــــون وأقـول خنّــي
على الأقـــل ألقــى سبب وأتناسـاك


وليت الـزمـن فـ محبتــك ما خـذلنّي
وليت الهجر من طيب خاطرك ورضاك


لــو أن قــربكـ والـوصـل بـ التمنّـي
مــا غبت عن عينــي كثر ما اتمنــاك


خايف يطــــول البعــد وتسـجّ منّـــي
وياخذ مكانك شخص ماهوب يسواك


وش عــاد أســوي يومـك أقفيت عنّي
لا أنـا أتبـع المقفــي ولا أحـب فـرقـاك


منقووول

ابــدااااااااع وربـي كلمــااات روعــه بمعنىى الكـلمه

يسلمـك خيتـوو جوودي من كل شئ على الكلمات الراائعـه

وليت الـزمـن فـ محبتــك ما خـذلنّي
وليت الهجر من طيب خاطرك ورضاك


لــو أن قــربكـ والـوصـل بـ التمنّـي
مــا غبت عن عينــي كثر ما اتمنــاك


خايف يطــــول البعــد وتسـجّ منّـــي
وياخذ مكانك شخص ماهوب يسواك


وش عــاد أســوي يومـك أقفيت عنّي
لا أنـا أتبـع المقفــي ولا أحـب فـرقـاك



××××××××

رووووووووووووووعهـ جوودي

يعطيك الف عافيهـ حبيبتي